Delegation at Ministry of Home Affairs

September 9, 2019

गाई र कुकुर मृत्यु प्रकरणः प्रहरी जाहेरी लिन नमानेपछि गृहमन्त्रीलाई ध्यानाकर्षण

नेपालगञ्जबाट दैलेख लैजाने भनी पठाईएका गाईहरुलाई सुर्खेतको कटकुवा जंगलको भिरबाट खसालेर मारिएको र वेवारिसे अवस्थामा जंगलमा लगेर छाडिएको तथा खोटाङ जिल्लाको दिक्तेल रुपाकोट मझुवागढी नगरपालिकामा सामुदायिक कुकुरहरुलाई सामुहिक रुपमा वर्वरतापूर्वक मारिएको घटनाप्रति पशु कल्याण संघ नेपालको गम्भिर ध्यानाकर्षण भएको छ । एउटा सामान्य मानवीय धर्म र पशु कल्याणका आधारभूत मान्यताहरुलाई समेत बेवास्ता गर्दैैै एउटा जिम्मेवार सरकारी निकायले यतिसम्मको गैह्रजिम्मेवार निर्णय गर्नुले पशु कल्याणप्रतिको राज्यको दृष्टिकोण र नीतिमाथी प्रश्न चिन्ह खडा गरेको छ । दुबै घटनाहरुमा सम्बन्धित स्थानीय निकायका प्रमुख तथा प्रतिनिधिहरु पनि अनुसन्धानको दायरामा आउनुपर्नेमा उनीहरुमाथी कुनै अनुसन्धान नहुनुले हामीमा थप शंका उत्पन्न गराएको छ । अझ खोटाङ जिल्ला प्रहरी कार्यालयले यस सम्बन्धी जाहेरी दर्ता गर्न आनाकानी गर्नुले जनमानसमा थप प्रश्नहरु उत्पन्न भएका छन् । पशु कल्याण संघ नेपाल यि दुबै घटनाको घोर भत्र्सना गर्दै दोषि उपर हदैसम्मको कारबाहिको माग गर्दैैै गृहमन्त्री रामबहादुर थापा ‘बादल’ लाई ज्ञापन पत्र बुझाइयो ।

पशु कल्याण संघका पदाधिकारीले गृहमन्त्री रामबहादुर थापा ‘बादल’ लाई ज्ञापन पत्र बुझाउँदै दिक्तेल रुपाकोट मझुवागढी नगरपालिका घटनामा प्रहरीले जाहेरी लिन नमानेको प्रति आपत्ति जनाएका हुन् ।

संघको अध्यक्ष स्नेहा श्रेष्ठले घटनाको स्वतन्त्र एवं निष्पक्ष छानबिन गरेर दोषी उपर प्रचलित कानून बमोजिम कारवाही र त्यसका लागि संलग्न पदाधिकारी एवं कर्मचारीलाई तत्काल निलम्बन गर्न ध्यानाकर्षण गराइएको बताइन।

उनको अनुसार कानून बमोजिम कडाभन्दा कडा आवश्यक कारवाहीको प्रकृया अगाडी बढाउन नेपाल सरकारसमक्ष जोडदार माग गरिएको छ ।

Help us to work for the animal rights and animal welfare.

DONATE

 

Please reload

Recent Posts

Please reload

Archive

Please reload

Tags